Ազատության պողոտայում «ՎԱԶ-2121»-ը բախվել է մայթեզրին կայանված «Ֆորդ»-ին

ԵՐԵՎԱՆ, 15 ՀՈՒՆՎԱՐԻ, ԱՐՄԵՆՊՐԵՍ: «ՎԱԶ-2121» մակնիշի ավտոմեքենան հունվարի 14-ին` ժամը 18.30-ին, Ազատության պողոտայի թիվ 2 հասցեում գտնվող հյուրանոցային համալիրի դիմաց բախվել է մայթեզրին կայանված «Ֆորդ» մակնիշի ավտոմեքենայի: Ինչպես «Արմենպրես»-ին տեղեկացրին ՀՀ ոստիկանության հասարակայնության հետ կապերի եւ լրատվության վարչությունից, «ՎԱԶ-2121»-ի վարորդը մարմնական վնասվածքներով տեղափոխվել է հիվանդանոց: Կատարվում է քննություն: