Հանրապետությունում անցած 12 օրերին գրանցվել է 74 ՃՏՊ

ԵՐԵՎԱՆ, 13 ՀՈՒՆՎԱՐԻ, ԱՐՄԵՆՊՐԵՍ: Անցած 12 օրերի ընթացքում հանրապետությունում արձանագրված ճանապարհատրանսպորտային 74 պատահարների հետևանքով զոհվել է 11 մարդ, 117-ը` ստացել տարբեր աստիճանի մարմնական վնասվածքներ: «Արմենպրես»-ի հաղորդմամբ` ըստ ՀՀ ոստիկանության օպերատիվ հաղորդագրությունների ամփոփագրերի, հունվարի 1-ից 13-ն ընկած ժամանակահատվածում հանրապետությունում արձանագրվել է սպանության 1 դեպք, որը բացահայտվել է: Արձանագրված մարմնական վնասվածք հասցնելու 107 դեպքից բացահայտվել է 99-ը, կողոպուտի 3 դեպքից` 2-ը, խարդախության` 19, յուրացման կամ վատնման` 3, շորթման` 1 և խուլիգանության 6 դեպքերն էլ բացահայտվել են: Բացահայտվել է գողության 36 դեպք: Նախկինում կատարված հանցագործություններից բացահայտվել է մարմնական վնասվածք հասցնելու` 3, խարդախության 1 և գողության 8 դեպք: