Սիրիայի քրիստոնյաները գտնվում են մուսուլման ծայրահեղական ապստամբների սպառնալիքի տակ. Global Post
4 րոպեի ընթերցում
ԵՐԵՎԱՆ, 27 ԴԵԿՏԵՄԲԵՐԻ, ԱՐՄԵՆՊՐԵՍ: Արաբական գարունը շատ ցրտաշունչ ստացվեց Մերձավոր Արևելքի շատ քրիստոնյաների համար: Մինչ Սիրիայի քրիստոնյա փոքրամասնությունը տոնում է Ծննդյան տոները, տեղի առաջնորդները նշում են, որ շատ անհանգստացած են ծայրահեղ իսլամիստական ամպստամբներից եկող վտանգից: Ինչպես հաղորդում է «Արմենպրես»-ը, Global Post-ն ադնադարձել է Մերձավոր Արևելքում և, մասնավորապես, Սիրիայում քրիստոնյա փոքրամասնությունների վիճակին:
«Դարեր շարունակ քրիստոնյաները և մուսուլմանները համերաշխ են ապրել այս տարածաշրջանում: Սակայն մի շարք երկրներում, այդ թվում` Եգիպտոսում, Թունիսում և Լիբիայում մի շարք ծայրահեղ պահպանողական իսլամիստական խմբեր բռնի հարձակումներ սկսեցին գործել փոքրամասնությունների դեմ` իրենց աջակցողներին «անհավատների» դեմ լարելու և իշխանությունն իրենց ձեռքը վերցնելու նպատակով: Ծայրահեղական ապստամբները պարբերաբար ռմբակոծում են Դամասկոսի քրիստոնեական թաղամասերը, փրկագին ստանալու համար առջանգում իրենց վերահսկողության տակ գտնվող տարածքների քրիստոնյաներին»,- գրում է պարպերականը:
Global Post-ը տեղեկացել է, որ քրիստոնյաներ են առևանգվել նաև Դամասկոսում` Բաշար ալ Ասադին սատարող զորքերի կողմից:
Ըստ պարբերականի` Սիրիայի 22.5 միլիոն բնակչության 10 տոկոսը կաթոլիկ և ուղղափառ քրիստոնյաներ են: Նախապատերազմյան Սիրիայի 120 հազարանոց հայ բնակչության մեկ երրորդը լքել է երկիրը:
1915 թվականից հետո հայերն նոր կյանք են սկսել, դպրոցներ, բիզնեսներ և եկեղեցիներ հիմնել այնտեղ: «95 տարի անց մենք կրկին տառապում ենք: Գնալով ավելի է դժվարանում մեզ համար կրել այս խաչը»,- հայտնել է եպիսկոպոս Արմաշ Նալբանդյանը:
Լիբանանի «Կարիտաս» բարեգործական հիմնադրամի տնօրեն Տեր հայր Սիմոն Ֆադուլի համաձայն` քրիստոնյաները հարձակման են ենթարկվում նաև իրենց քաղաքական կողմնորոշման համար: Նա բացատրեց, որ Լիբանանում հաստատված սիրիացի գաղթականների մի մասը կառավարության աշխատակիցներ են եղել: Մյուսները բարեկամական կապեր ունեն սիրիական բանակի զինվորների կամ հետախոզական վարչության աշխատակիցների հետ: Ուստի, նրանք հետապնդվում են իրենց իշխանամետ կողմնորոշումների համար:
Վերջերս Դամասկոսում հենց իր համալսարանի դիմաց առևանգվել էր 20-ամյա քրիստոնյա ուսանող: Տղայի համար մեծ փրկագին էին պահանջել: «Նրանք կարծում են` քրիստոնյանները բոլորը հարուստ են»,- ասել էր տղայի հորեղբայր Հակոբը, ում և մյուս քրիստոնյա առաջնորդների հավաստմամաբ` փրկագին ստանալու համար տասնյակ քրիստոնյաներ են առևանգվել Դամասկոսում վերջին ամիսներին:
Քրիստոնյաները ճնշված են զգում երկու կողմերի` թե' ընդդիմության, թե' կառավարության անօրինություններից: Սակյան ավելի շատ վախ կա ծայահեղական ապստամբների, քան կառավարության նկատմամբ: «Փոքրամասնությունների անվտանգության ապահովման երաշխիքը արդյունավետ գործող կառավարությունն է: Նման անվտանգություն մենք ունեցել և տեսել ենք նախագահ Բաշար ալ Ասադի կառավարության տարիներին»,- նշել է եպիսկոպոս Նալբանդյանը:
Երբ 2011թ.-ին բռնկվեց սիրիական ապստամբությունը, շատ քրիստոնյաներ հրապուրվել էին ժողովրդավարության կոչերով, բայց անհանգստացած էին իսլամիստ ծայրահեղականների վերելքով: Ըստ եպիսկոպոս Նալբանդյանի` առաջին երկու ամիսները քրիստոնյաները հույս ունեին, որ կառավարությունը նշանակալի բարեփոխումներ կանի` իմաստալից բանակցություններ վարելով ընդդիմության հետ: «Բայց կառավարությունը բաց թողեց պահը` չկարողանալով կամ չօգտագործելով հնարավորությունը»,- բացատրեց նա: