1 րոպեի ընթերցում
ԵՐԵՎԱՆ, 8 ՆՈՅԵՄԲԵՐԻ, ԱՐՄԵՆՊՐԵՍ: Սիրիայում 2011թ.-ի մարտի 15-ից մինչև այսօր շարունակվող հակամարտության վնասների չափը գերազանցել է 103 միլիարդ դոլարը: Ինչպես հաղորդում է «Արմենպրես»-ը, վկայակոչելով արաբական լրատվամիջոցները, այդ տեղեկությունները հրապարակել է ՄԱԿ-ի Անվտանգության խորհրդի մերձավորարևելյան հարցերով զբաղվող գերագույն հանձնակատարը: Տեղեկություններ կան նաև, որ գործազուրկ սիրիացիների թիվը կազմում է 2.33 միլիոն: Բացի այդ, ընթացող պատերազմի պատճառով Սիրիայի բնակչությունը կրճատվել է 8 տոկոսով:
Ավելի վաղ հրապարակված ոչ պաշտոնական տեղեկությունների համաձայն՝ սիրիական հակամարտության զոհ է դարձել ավելի քան 120 հազար մարդ, որոնց թվում՝ մի քանի տասնյակ հայեր: Իրենց բնակավայրերը լքած սիրիացիների թիվը գերազանցել է 6 միլիոնը: