Բաշար ալ Ասադը համաներում է հայտարարել

ԵՐԵՎԱՆ, 29 ՀՈԿՏԵՄԲԵՐԻ, ԱՐՄԵՆՊՐԵՍ: Սիրիայի նախագահ Բաշար ալ Ասադը հոկտեմբերի 29-ին համաներում է հայտարարել: Ինչպես հաղորդում է «Արմենպրես»-ը` վկայակոչելով սիրիական ՍԱՆԱ գործակալությունը, համաներումը վերաբերում է մինչև 2013թ.-ի հոկտեմբերի 29-ը հանցագործություններ կատարած անձանց` նաև ցմահ ազատազրկված անձանց, տարեց բանտարկյալներին:

Ավելի վաղ Սիրիայի նախագահ Բաշար ալ Ասադը համաներում հայտարարել էր 2013թ.-ի ապրիլի 16-ին:

Ասադի կողմից հայտարարված համաներումը երկրում ստեղծված իրավիճակի կարգավորման մի մասն է կազմում: