Զինյալները Դեր Զորի շրջանում առևանգել են Սիրիայի խորհրդարանի պատգամավորի և այրել գյուղի տները
1 րոպեի ընթերցում
ԵՐԵՎԱՆ, 29 ՀՈԿՏԵՄԲԵՐԻ, ԱՐՄԵՆՊՐԵՍ: Դեր Զորի շրջանում հոկտեմբերի 29-ին զինված խմբավորումների կողմից առևանգվել է Սիրիայի խորհրդարանի անդամ, ինչպես նաև Բուսրայա ցեղի շեյխ Ֆիյադ ան Նասերը: Ինչպես հաղորդում է «Արմենպրես»-ը` վկայակոչելով արաբական լրատվամիջոցները, առևանգելուց հետո զինյալները համացանցում տեղադրել են տեսանյութ, որտեղ երևում է առևանգված Ֆիյադ ան Նասերը: Վերջինս 71 տղամարդկանց հետ առևանգվել է Շամատիա գյուղում «Ահրար աշ Շամ» և «Իրաքի և Շամի իսլամական պետություն» կոչվող խմբավորումների կողմից:
Տեղեկություններ կան, որ երկու օր շարունակ բախումներ են տեղի ունեցել «Ահրար աշ Շամ» խմբավորման և Շամատիա գյուղի` Ասադի կողմնակիցների միջև: Ընդդիմադիրները նաև տեղեկացրել են, որ այրել են գյուղի շուրջ 25 տներ: Բախումների հետևանքով երկու կողմերն էլ լուրջ կորուստներ են կրել:
Ականատեսների խոսքով` զինյալները գերի են վերցրել առաջին իսկ պատահած բնակիչներին, այդ թվում՝ կանանց և երեխաների, և պահանջել են շեյխից հանձնվել ի փրկություն գերի վերցրած մարդկանց: Բացի Ֆիյադ ան Նասերից, նրանք գերի են վերցրել շեյխի եղբայրներին և նրատասնյակից ավելի բարեկամներին:
Դեռ տեղեկություններ չկան նրանց գտնվելու վայրի մասին: