1 րոպեի ընթերցում
ԵՐԵՎԱՆ, 16 ՀՈԿՏԵՄԲԵՐԻ, ԱՐՄԵՆՊՐԵՍ: Նոյեմբերին Թել Ավիվ կատարելիք այցի շրջանակում աշխարհահռչակ ֆրանսահայ երգիչ Շառլ Ազնավուրին կընդունի Իսրայելի նախագահ Շիմոն Պերեսը: Այս մասին, ինչպես հաղորդում է «Արմենպրես»-ը, հայտնում է ynetnews լրատվական կայքը:
Ըստ կայքի` Շառլ Ազնավուրը արդեն հրավիրվել է նախագահական պալատ` ճաշկերույթի: Նշվում է, որ ֆրանսիահայ երգիչն արդեն ընդունել է հրավերը: 89-ամյա Շառլ Ազնավուրը նոյեմբերի 23-ին համերգ կունենա Իսրայելի մայրաքաղաք Թել Ավիվում:
Կայքը նշում է, որ Շվեյցարիայում Հայաստանի Հանրապետության դեսպան Շառլ Ազնավուրն իր Իսրայել այցը նվիրում է իսրայելա-պաղեստինյան խաղաղ գործընթացի նկատմամբ հասարակական աջակցության մեծացմանը:
Աղբյուրը հայտնում է, որ Ազնավուրն իր որոշ երգեր արդեն թարգմանել է եբրայերեն: Լեգենդար երգիչ Շառլ Ազնավուրը 2011 թ-ին պարգեւատրվել է Երուսաղեմի եբրայական համալսարանի Scopus Award շքանշանանով: