Սերգեյ Մովսիսյանը եւ Հրանտ Մելքումյանը շարունակում են պայքարը շախմատի աշխարհի գավաթի խաղարկությունում
1 րոպեի ընթերցում
ԵՐԵՎԱՆ, 12 ՕԳՈՍՏՈՍԻ, ԱՐՄԵՆՊՐԵՍ: Հայաստանի ներկայացուցիչները ավարտեցին իրենց ելույթները շախմատի աշխարհի գավաթի խաղարկության երկրորդ օրը:
«Արմենպրես»-ի փոխանցմամբ, Վլադիմիր Հակոբյանը սպիտակներով ոչ-ոքի խաղաց Նգոս Տրունգ Սոն Գյուենի հետ: Երկու խաղերի ընդհանուր հաշվով հաջորդ փուլի ուղեգիր նվաճեց Գյուենը: Միավորը կիսեց նաեւ Սերգեյ Մովսիսյանը, ով մրցում էր Լյուդվիգ Համմերի հետ: Սակայն առաջին խաղում հաղթելուց հետո Մովսիսյանը նվաճեց երկրորդ փուլի ուղագիր: Նա ուժերը կչափի չեխ Դեյվիդ Նավարայի հետ: Հրանտ Մելքումյանը եւս իր պարտիան ոչ-ոքի ավարտեց, որի պատճառով կխաղա եւս մեկ խաղ:
Շախմատի աշխարհի գավաթի խաղարկությանը Հայաստանը ներկայացել է 4 շախմատիստներով. նրանք են Լեւոն Արոնյանը, ով արդեն նվաճել է երկրորդ փուլի ուղեգիր, Հրանտ Մելքումյանը, Սերգեյ Մովսիսյանը եւ Վլադիմիր Հակոբյանը: