Պուտինը հայրենական ավիատեխնիկայի վաճառքի համար համակարգային մեխանիզմ ստեղծելու պահանջ է դրել
1 րոպեի ընթերցում
ՄՈՍԿՎԱ, 2 ՀՈՒԼԻՍԻ, ԱՐՄԵՆՊՐԵՍ: Ռուսաստանի Դաշնության նախագահ Վլադիմիր Պուտինը հուլիսի 2-ին հայտնել է ռուսական քաղաքացիական ինքնաթիռների մատակարարման շուրջ պայմանագրերի կնքման անհրաժեշտության մասին: Ինչպես հաղորդում է «Արմենպրես»-ը` վկայակոչելով «Իտերֆաքսը»-ը, Պուտինը ընդգծել է, որ գործարքների ալիք սկսելու համար անհրաժեշտ է գրագետ, ժամանակակից աշխատանք պատվիրատուների հետ, ինչպես նաեւ գործընթացը ուղեկցող արդյունավետ ֆինանսական գործիքներ:
«Այս առթիվ անհրաժեշտ եմ համարում ստեղծել հայրենական ավիատեխնիկայի վաճառքի աջակցման համար համակարգային մեխանիզմ, որը կողմնորոշված կլինի դեպի համատեղ գործարքներ եւ հաճախորդների հետ տարվող մշտական աշխատանք, ընդ որում ինչպես ներքին այնպես էլ արտաքին շուկաների համար»,- hանրային ավիաշինարարական ընկերության զարգացմանը նվիրված քննարկման ընթացքում ասել է Պուտինը: