367.79
Արամ Առաջինը ներկայացրել է Ցեղասպանության 100-ամյակի առթիվ Կիլիկիո կաթողիկոսարանի ծրագրերը
2 րոպեի ընթերցում
ԱՆԹԻԼԻԱՍ,4ՓԵՏՐՎԱՐԻ, ԱՐՄԵՆՊՐԵՍ:Մեծի Տանն կիլիկիո կաթողիկոս Արամ Առաջինն ընդունել է Հայոց ցեղասպանության 100-ամյակի Լիբանանի կենտրոնական մարմնի ներկայացուցիչներին: Ինչես«Արմենպրես»-ին տեղեկացրին Անթիլիասից, Վեհափառ Հայրապետը գնահատել է կառույցի կատարած աշխատանքները Սփյուռքոմ նպատակասլաց գործունեության, հայոց պահանջատիրական ոգին վառ պահելու, ցեղասպանության զոհերի հիշատակը ոգեկոչելուց բացի իրավաքաղաքական միջոցներ ձեռնարկելու եւ պատմական իրավունքները վերականգնելու ուղղությամբ:
Արամ Առաջինը Ցեղասպանության 100-ամյակի կապակցությամբ ձեւավորված մարմնի անդամներին ներկայացրեց հիմնական երեք ծրագրերը, որոնք մշակվել են Մեծի Տանն Կիլիկիո կաթողիկոսության կողմից: Դրանք են` Անթիլիասի Նահատակաց մատուռի վերակառուցումը, «Թռչնոց բույն»-ի մեջ ցեղասպանության թանգարանի հիմնումը, ցեղասպանության ուսումնասիրության կենտրոնի հաստատումն ու Պիքֆայայի պատմական հուշարձանի շուրջ նահատակաց հրապարակի, ցեղասպանության հետեւանքով հայերի տարբեր հանգրվանները խորհրդանշող քանդակներով հատկանշված հուշապատումի եւ մատուռի կառուցումը:
Հաշվի առնելով այս ծրագրերի համասփյուռքյան կարեւորությունը` 100-ամյակի մարմինը Վեհափառ Հայրապետին առաջարկել է այս կենտրոններում 100-ամյակի տարին կազմակերպել համապատասխան բովանդակությամբ կենտրոնական ձեռնարկներով:
Բաժանորդագրվեք մեր ալիքին Telegram-ում