368.54
Սիրիայի վարչապետը Հալեպում անձնամբ է ծանոթացել քաղաքի խնդիրներին
1 րոպեի ընթերցում
ԵՐԵՎԱՆ, 17 ԴԵԿՏԵՄԲԵՐԻ, ԱՐՄԵՆՊՐԵՍ: Սիրիայի վարչապետ Վաել ալ Հալկիի գլխավորած պատվիրակությունն այցելել է Հալեպ քաղաք: Ինչպես հաղորդում է «Արմենպրես»-ը` վկայակոչելով արաբական լրատվամիջոցները, այցելության նպատակն է անձամբ ականատես լինել քաղաքում տիրող բոլոր դժվարություններին: Սիրիական պետական հեռուստատեսությունը տեղեկացրել է, որ կառավարությունը երկու միլիոն սիրիական լիրա է հատկացրել սննադամթերք գնելու, ինչպես նաեւ մեծ գումար է հատկացրել մնացած առաջնային կարիքները հոգալու եւ բյուջեի համար:
Այնուհետեւ որոշում է կայացվել Հալեպ հաց եւ ալյուր տրամադրելու համար, որը պետք է կատարվի Լաթաքիայի նավահանգստի միջոցով:
Հալեպում բավական երկար ժամանակ հացի, էլեկտրականության, վառելիքի բացակայությունները լուրջ խնդիրներ են առաջացրել բնակիչների շրջանում:
Բաժանորդագրվեք մեր ալիքին Telegram-ում