2 րոպեի ընթերցում
ԵՐԵՎԱՆ, 24 ՆՈՅԵՄԲԵՐԻ, ԱՐՄԵՆՊՐԵՍ: Հունաստանի ոստիկանությունը հայտարարել է հնագիտական թանգարանից մեծ աղմուկ հանած կողոպուտի բացահայտման մասին: Ինչպես հաղորդում է «Արմեպրես»-ը` վկայակոչելով РИА Новости-ին, դեպքի առթիվ ձերբակալվել են տեղի երեք բնակիչներ, ովքեր մեղադրվում են այս տարվա փետրվարին Հին Օլիմպիա թանգարանից 77 ցուցանմուշի առեւանգման մեջ: Օլիմպիական խաղերի պատմությանը նվիրված թանգարանը կողոպտողների հետքերը ոստիկանությունը բացահայտել է այն ժամանակ, երբ կողոպտողները, կորցնելով բանականությունը, փորձել են սեւ շուկայում վաճառել գողացված` մ.թ.ա XV դարի մատանին` ամենաթանկ ցուցանմուշներից մեկը:
Մինչդեռ «գնորդները», որոնց հետ տարվում էին բանակցութունները Պատրի քաղաքում, հանդիսացել են ոստիկանները, ովքեր եւ ձերբակալել են նրանց:
Հաղորդվել է, որ Էլիդա շրջանում, որտեղ տեղակայված է «Օլիմպիա»-ն, կասկածյալների պահոցում հայտաբերվել են նաեւ այլ գողացված էքսպոնատներ: Չնայած ոստիկանությունը դեռ չի հայտնել այն մասին` հաջողվել է վերադարձնել ողջ գողոնը, թե ոչ:
Ընթացիկ տարում Ֆոկիդա շրջանում ձերբակալվել էինՖրանսիայիերկու քաղաքացիներ, որոնք մոտից առգրավվել է 400 հնագույն մետաղադրամներ եւ կավե նմուշներ:
Համաձայն հունական օրենսդրության` բոլոր իրերը, որոնք ներկայացնում են հնագիտական եւ գեղագիտական արժեք, պատկանում են պետությանը, եւ դրանց ապօրինաբար տնօրինումը` «սեւ հնագիտությունը», Հունաստանում համարվում է ցանր հանցագործություն: