1 րոպեի ընթերցում
ԵՐԵՎԱՆ, 14 ՆՈՅԵՄԲԵՐԻ, ԱՐՄԵՆՊՐԵՍ: Հայաստանի ֆուտբոլի ազգային հավաքականը բացել է Լիտվայի հետ ընկերական խաղի հաշիվը: Ինչպես փոխանցում է «Արմենպրես»-ը, ազգային հավաքականի կիսապաշտպան Էդգար Մանուչարյանը հանդիպման 7-րդ րոպեին, ստանալով գնդակն Արաս Օզբիլիսից, այն ուղարկեց մրցակցի դարպասը:
Հայաստանի ֆուտբոլի ազգային հավաքականի «հավերժ ավագ» Սարգիս Հովսեփյանն իր մերջին հանդիպումն էր անցկացնում ազգային հավաքականի կազմում եւ րոպեներ առաջ փոխարինվեց` դաշտը լքելով բուռն ծափահարությունների ներքո: Նրա փոխարեն մարզադաշտ մտավ Արտակ Եդիգարյանը:
«Հանրապետական» մարզադաշտում ընթացող հանդիպումը շարունակվում է: Սա Հայաստանի ֆուտբոլի ազգային ընտրանու վերջին հանդիպումն այս տարվա համար: Մեր ընտրանին հաջորդ խաղը կանցկացնի ֆուտբոլի աշխարհի ընտրական փուլի շրջանակներում Չեխիայի ֆուտբոլի ազգային ընտրանու դեմ: