Հալեպի քաղաքապետը եւ Բաաս կուսակցությունը երախտագիտություն են հայտնել հայերին մարդասիրական օգնության համար

2 րոպեի ընթերցում

ԵՐԵՎԱՆ, 12 ՆՈՅԵՄԲԵՐԻ, ԱՐՄԵՆՊՐԵՍ: Հալեպում արդենսկսել են բաժանել հայաստանյան երրորդ մարդասիրական օգնության ծանրոցները:Սիրիացիներին տրվող օգնության տրամադրումն իրականացվում է Հալեպի կարմիր մահիկի, Բերիո թեմի ազգային առաջնորդարանի, ինչպես նաեւ Հալեպի շտապ օգնության մարմնի եւ Սիրիայում Հայաստանի դեսպանության համագործակցությամբ:

Ինչպես հաղորդում է «Արմենպրես»-ը` վկայակոչելով սիրիական ՍԱՆԱ գործակալությունը, Բաաս կուսակցության Հալեպի մասնաճյուղի քարտուղար Հիլալ Հիլալը նշել է, որ սիրացիները բարձր են գնահատում հայերի կողմից կատարված այս մարդասիրական քայլը, ինչն ապացուցում է հայ-սիրիական շատ սերտ համագործակցությունը:

Հալեպի քաղաքապետ Մուհամմադ Ուահիդ Աքքադն իր հերթին նշել է, որ հայկական մարդասիրական օգնությունը ցույց է տալիս խոր բարեկամական եւ եղբայրական հարաբերությունների առկայությունը սիրիացի եւ հայ ժողովուրդների միջեւ` ավելացնելով, որ սիրիացիները երբեք չեն մոռանա այս օգնությունները:

Հայաստանից Սիրիա մարդասիրական օգնության երրորդ օդանավը Հալեպ է հասել նոյեմբերի 8-ին: «Օգնիր եղբորդ» նախաձեռնությամբ հոկտեմբերի 15-ին «Էյր Արմենիա» բեռնատար ինքնաթիռով Սիրիա էրուղարկվել առաջին օգնությունը` 15 տոննա բեռ: Հոկտեմբերի 22-ին «Սիրիական ավիաուղիներ»-ի Երևան-Հալեպ թռիչքով Սիրիա էր տեղափոխվել մոտ երկու տոննա մարդասիրական օգնություն, այդ թվում` առաջին անհրաժեշտության դեղորայք, իսկ նոյեմբերի 8-ին` կրկին «Էյր Արմենիա»-ն Սիրիա էր տեղափոխել 13 տոննա մարդասիրական օգնություն:

Հայերեն English Русский

Թրամփը Չինաստանի հետ իր հարաբերություններն անվանել է հիանալի և մեծ հաղթանակ երկու երկրների համար

Ֆրանսիայում թոշակառուները դուրս են եկել փողոց՝ բողոքելու ցածր թոշակների դեմ

Հայաստանը և ԵՄ-ն կարևորել են ընդհանուր ժողովրդավարական արժեքների վրա հիմնված գործընկերության շարունակական ամրապնդումը

Թբիլիսիում տեղի ունեցած պայթյունի հետևանքով զոհերի թիվը հասել է երեքի

ԵՄ-ն ռուսաստանցիների համար չեղարկել է Եվրոպայում ուսանելու «Էրազմուս» կրթաթոշակը

Սաուդյան Արաբիան հաստատում է, որ հութիների հարձակման հետևանքով վնասվել է Էր-Ռիադի ամենաբարձր շենքը

Պորտուգալիայում տներ և փողոցներ են հեղեղվել հորդառատ անձրևների ու սողանքների պատճառով

Ռոբերտ Աբիսողոմոնյանը միջազգային համաժողովում կարևորել է «Խաղաղության խաչմերուկ»-ի և «ԹՐԻՓՓ»-ի նշանակությունը Հարավային Կովկասի համար

ՄԱԿ-ի Արդարադատության միջազգային դատարանը Մյանմարին մեղավոր է ճանաչել ռոհինջաների ցեղասպանության մեջ

Նազելի լիճը լուսավորվել է կապույտ գույնով՝ խորհրդանշելով մաքուր, անվտանգ և առողջ միջավայրում մեծանալու երեխաների իրավունքը