368.54
Սիրիան զոհաբերության տոնին զինադադար հայտարարելու որոշման մասին կհայտնի հոկտեմբերի 25-ին
1 րոպեի ընթերցում
ԵՐԵՎԱՆ, 24 ՀՈԿՏԵՄԲԵՐԻ, ԱՐՄԵՆՊՐԵՍ: Սիրիայի Արտաքին գործերի նախարությունը հոկտեմբերի 24-ին հայտարարել է, որ Այդ ալ Ադհա տոնի առիթով զինադադար հայտարարելու իր վերջանական որոշման մասին կհայտնի հոկտեմբերի 25-ին: Ինչպես հաղորդում է «Արմենպրես»-ը` վկայակոչելով արաբական լրատվամիջոցները, հայտարարության մեջ նշվել է, որ առաջարկը դեռեւս ուսումնասիրվում է Զինված ուժերի ղեկավարության կողմից եւ որոշումը հայտնի կլինի միայն վաղը:
Դամասկոսը նման հայտարարությամբ հանդես է եկել ՄԱԿ-ի ԱԵԼ-ի բանագնաց Ախդար Իբրահիմիի հայտարարությունից հետո: Համաձայն այդ հայտարարության` Սիրիայի կառավարությունը համաձայնել էր դադարեցնել կրակը զոհաբերության տոնի առթիվ:
Ավելի վաղ ՄԱԿ-ի եւ ԱԵԼ-ի նոր բանագնաց Ախդար Իբրահիմին Սիրիայի ընդդիմությանը եւ կառավարությանը կոչ էր արել Զոհաբերության` Այդ ալ Ադհա տոնին զինադադար հայտարարել: Մինչ այժմ կողմերից ոչ ոք առաջարկի վերաբերյալ որոշում չի ընդունել:
Բաժանորդագրվեք մեր ալիքին Telegram-ում