367.79
Արամ Առաջինն ընդունել է Հնդկաստանի կաթողիկոսի ներկայացուցիչներին
1 րոպեի ընթերցում
ԵՐԵՎԱՆ, 17 ՀՈԿՏԵՄԲԵՐԻ, ԱՐՄԵՆՊՐԵՍ:Մեծի Տանն Կիլիկիո կաթողիկոս Արամ Առաջինը հոկտեմբերի 15-ին ընդունել է Ասորական ուղղափառ եկեղեցու Զագգա պատրիարքարանի ներկայացուցիչ Մետրոպոլիտ Ժորժ Սալիպանին, Հնդկաստանի Մալապարի ուղղափառ եկեղեցու կաթողիկոսի ներկայացուցիչ Գերպ. Գ.Մ. Ջորջին: Անթիլիասից«Արմենպրես»-ին տեղեկացրին, որ հոգեւորականները Արամ Առաջինին են փոխանցել իրենց պատրիարքների ողջույնները: Հանդիպման ընթացքում քննարկվել են եկեղեցիների ընդհանուր կյանքը, միջեկեղեցական եւ միջկրոնական հարցերն ու մասնավորապես` արեւելյան ոչ քաղքեդոնական ընտանիքներին վերաբերող հարցերը:
Կիլիկիո կաթողիկոսը կարեւորել է ուղղափառ եկեղեցիների միջեւ ներքին միասնականությունն ապահովելու համար գործակցության առավել կազմակերպված եւ ընդլայնված աշխատանքների կատարման անհրաժեշտությունը` հակառակ ներքին որոշ դժվարություններին:
«Մեր համայնքները շրջապատված են այնպիսի խոչընդոտներով եւ մարտահրավերներով, որոնց դիմակայելու համար եկեղեցիների գործակցությունն ավելի հրամայական է դառնում»,- ասել է Վեհափառ Հայրապետը:
Հանդիպումից հետո հրավիրյալները ներկա են եղել Արամ Առաջինի կողմից տրված ընթրիքին:
Բաժանորդագրվեք մեր ալիքին Telegram-ում