Հայաստանում կանցկացվի հայ-ռուսական առաջին զբոսաշրջային գիտարշավը
1 րոպեի ընթերցում
![Հայաստանում կանցկացվի հայ-ռուսական առաջին զբոսաշրջային գիտարշավը](http://armenpress.am/resized/480/static/news/b/2012/09/694287.jpg)
ԵՐԵՎԱՆ, 26 ՍԵՊՏԵՄԲԵՐԻ, ԱՐՄԵՆՊՐԵՍ: Հայաստանի Հանրապետության եւ Ռուսաստանի Դաշնության միջեւ դիվանագիտական հարաբերությունների հաստատման 20-ամյակի առթիվ սեպտեմբերի 30-ից հոկտեմբերի 9-ը Հայաստանում կանցկացվի առաջին համատեղ զբոսաշրջային գիտարշավը: Ինչպես «Արմենպրես»-ին տեղեկացրին Հայաստանում Ռուսաստանի Դաշնության դեսպանատան մամուլի ծառայությունից, արշավին կմասնակցեն Ռուսաստանի Տուրիզմի միջազգային ակադեմիան եւ Տուրիզմի հայկական ինստիտուտը:
Արշավի գլխավոր նպատակներից է երիտասարդական տուրիզմի զարգացումը` հայ-ռուսական բարեկամական հարաբերությունների ամրապնդման եւ խորացման նպատակով:
Արշավի մասնակիցներին կընդունի նաեւ Ն.Ս.Օ.Տ.Տ. Գարեգին Բ Ամենայն Հայոց կաթողիկոսը եւ Երեւանի քաղաքապետ Տարոն Մարգարյանը:
Արշավից հետո Տուրիզմի հայկական ինստիտուտում կկայանա կլոր-սեղան, որտեղ քննարկումներ կընթանան Հայաստանում զբոսաշրջության զարգացման վերաբերյալ: Անդրադարձ կկատարվի նաեւ երկու երկրների համատեղ աշխատանքի արդյունքում տնտեսության այդ կարեւոր ճյուղի զարգացման ուղղություններին: