1 րոպեի ընթերցում
ԵՐԵՎԱՆ, 5 ՍԵՊՏԵՄԲԵՐԻ, ԱՐՄԵՆՊՐԵՍ: Իտալիայի ֆուտբոլի ազգային հավաքականի եւ Միլանի «Ինտեր»-ի նախկին ֆուտբոլիստ Քրիստիանո Վիերին դատարանի միջոցով որպես փոխհատուցում 1 միլիոն եվրո Է շահել «Ինտեր»-ից եւ «Տելեկոմ-Իտալիա» կապի օպերատորից` իր անձնական կյանք ներխուժելու համար:
Ինչպես տեղեկացնում Է «Արմենպրես»-ը` վկայակոչելով «Ֆուտբոլ Իտալիա» հանդեսը , «Ինտեր»-ում 1999-2005 թվականներին խաղալու ժամանակ ակումբի աշխատակիցները, համապատասխան պայմանավորվածություն ձեռք բերելով կապի օպերատորի հետ, լսել են ֆուտբոլիստի անձնական խոսակցությունները, ինչն, ըստ Վիերիի, իր անձնական կյանքին մեծ վնաս Է հասցրել:
Վիերին խաղացել Է նաեւ «Միլան», «Լացիո» իտալական թիմերում, իսպանական «Աթլետիկո» Մադրիդ ակումբի կազմում: Իտալիայի ֆուտբոլի հավաքականի կազմում նա անցկացրել է 49 հանդիպում` խփելով 23 գոլ: