Ութնամյա աղջնակը գումար է հավաքում` պայքարելու ստրկավաճառության դեմ

ԵՐԵՎԱՆ, 23 ՕԳՈՍՏՈՍԻ, ԱՐՄԵՆՊՐԵՍ: Երբ բոլոր երեխաները վայելում են ամառային հանգիստը, ԱՄՆ-ի Ֆերֆաքս քաղաքի բնակիչ ութնամյա Վիվիեն Հարրը պատրաստում է համեղ լիմոնադ եւ վաճառում այն բոլոր ցանկացողներին:

Ինչպես հաղորդում է «Արմենպրես»-ը, վկայակոչելով ռուսական լրատվամիջոցները, վաճառքից ողջ հասույթն աղջիկը մտադիր է տրամադրել ստրկավաճառության դեմհամաշխարհայինպայքարին:

Վիվիենի վրա մեծ տպավորություն է թողել Slavery գիրքը: Նա իր լիմոնադն անվանել է «Լիմոնադ- ազատության քաղցր համը»:

Սկզբում սեփական արտադրության լիմոնադիմեկ գավաթըՎիվիենը վաճառում էր 2 դոլարով, իսկ հետո խնդրել է վճարել` որքան գնորդն է կամենում: Արդյունքում` մեկ գավաթ լիմոնադի միջին արժեքը կազմում է 18 դոլար:

Երկու ամսվա ընթացքում նա հավաքել է արդեն 30 հազար դոլար, սակայն շարունակելու է իր գործունեությունը` ծրագրելով հասցնել եկամուտը մինչեւ 150 հազար դոլարի: