1 րոպեի ընթերցում
ԵՐԵՎԱՆ, 14 ՕԳՈՍՏՈՍ, ԱՐՄԵՆՊՐԵՍ: Ֆուտբոլի Հայաստանի առաջնության գործող չեմպիոն «Ուլիս»-ի գլխավոր մարզիչ Սեւադա Արզումանյանը հրաժարականի պատճառը վերջին շրջանում ակումբի անհաջող ելույթներն են: Այս մասին «Արմենպրես»-ին հայտնեց «Ուլիս» ֆուտբոլային ակումբի պետ Սլավա Սարգսյանը:«Սեւադա Արզումանյանի հրաժարականի հիմնական պատճառը թիմի անհաջող ելույթներն են: Իսկ ինչ վերաբերում է նոր մարզչին, ապա նախնական տվյալերով` գլխավոր մարզչի պարտականությունները ժամանակավորապես կստանձնի Կարեն Բարսեղյանը»,-ասաց Սարգսյանը:
Արզումանյանը հրաժարականի դիմում է ներկայացրել օգոստոսի 13-ին, առավոտյան մարզումից հետո: Վերջինս «Ուլիս» ակումբի «ղեկին» էր 2007 թվականից, իսկ 2011 թվականին Արզումանյանի գլխավորությամբ «Ուլիս»-ը նվաճեց Հայաստանի չեմպիոնի կոչումը: