ֆուտբոլի մրցաշարը Լոնդոնի օլիմպիական խաղերին մեծ հեղինակություն չի վայելում

ԵՐԵՎԱՆ, 27 ՀՈՒԼԻՍԻ,ԱՐՄԵՆՊՐԵՍ: Լոնդոնի օլիմպիական խաղերի հանդիսավոր բացումից մեկ օր առաջ արդեն մեկնարկել Է ֆուտբոլի օլիմպիական մրցաշարը:

Ամփոփելով առաջին արդյունքները` «Արմենպրես»-ը տեղեկացնում է, որ տղամարդկանց մրցաշարի արդեն առաջին փուլում գրանցվել են անակնկալներ՝ Իսպանիայի ֆուտբոլիստները զիջել են Ճապոնիայի թիմին՝ 0:1 հաշվով, Բրազիլիայի հավաքականը դժվարությամբ Է պահպանել 3:2 հաղթական հաշիվը Եգիպտոսի հետ խաղում, իսկ Մեծ Բրիտանիայի թիմը չի կարողացել հաղթել Սենեգալի հավաքականին՝ 1:1: Բելառուսի թիմը 1:0 հաշվով հաղթել Է Նոր Զելանդիայի թիմին: Ոչ-ոքի Է գրանցվել Հոնդուրաս-Մարոկկո՝ 2:2, Մեքսիկա-Հարավային Կորեա՝ 0:0, Արաբական Միացյալ Էմիրություններ- Ուրուգվայ՝ 1:1 խաղերում:Ֆուտբոլի մրցաշարը Լոնդոնի օլիմպիական խաղերին մեծ հեղինակություն չի վայելում, եւ կազմակերպիչները ստիպված են եղել տոմսերի մի մասը հանել վաճառքից, քանի որ դրանք բավականին վատ Էին վաճառվում: