1 րոպեի ընթերցում
ԵՐԵՎԱՆ, 21 ՀՈՒԼԻՍԻ, ԱՐՄԵՆՊՐԵՍ: Գյումրիի «Շիրակ»ֆուտբոլային ակումբի և պաշտպան Հովհաննես Գրիգորյանի միջև պայմանագիրը երկկողմանի համաձայնությամբ խզվել է: Այս մասին «Արմենպրես»-ին տեղեկացրեցին ակումբի մամլո ծառայությունից: Գրիգորյանը կարգապահական կանոնները խախտելու պատճառով զրկվել էր հուլիսի 19-ին տեղի ունեցած Եվրոպայի լիգայի երկրորդ որակավորման փուլի իսրայելական «Բնեյ-Յեհուդա»-ի հետ հանդիպման մասնակցությունից և թիմի հետ չէր մեկնել Իսրայել: «Շիրակ»-ը Գրիգորյանի հետ մեկուկես տարվա պայմանագիր էր կնքել 2011թ. դեկտեմբերին: