2 րոպեի ընթերցում
ԵՐԵՎԱՆ, 14 ՀՈՒԼԻՍԻ, ԱՐՄԵՆՊՐԵՍ: Հայաստանի մինչև 19 տարեկանների ազգային հավաքականը հուլիսի 15-ից ուսումնամարզական հավաք կանցկացնի Հանքավանի մարզաբազայում: Ինչպես «Արմենպրես»-ին տեղեկացրին Հայաստանի ֆուտբոլի ֆեդերացիայից, հավաքը կտևի մինչև հուլիսի 22-ը. ընթացքում Հայաստանի մինչև 19 տարեկանների ընտրանին կանցկացնի մեկ ստուգողական հանդիպում:
Հուլիսի 20-ին` ժամը 12:00-ին, կհանդիպեն Հայաստանի մինչև 19 և մինչև 17 տարեկանների ազգային հավաքականները: Հայաստանի մինչև 19 տարեկանների ազգային հավաքականի գլխավոր մարզիչ Աշոտ Ավետիսյանը հրավիրել է հավաքի դարպասապահներ`Արթուր Հովհաննիսյանին` «Մարտունի-Ալաշկերտ»,Գևորգ Հարությունյանին` «Փյունիկ»,Արտյոմ Կարապետյանին` «Ադմիրալտեեց» (Ռուսաստան),Ստեփան Համբարձումյանին` «Տրուա» (Ֆրանսիա), պաշտպաններ` Դավիթ Լևոնյանին` «Փյունիկ»,Վասպուրակ Մինասյանին` «Փյունիկ»,Արամ Շահնազարյանին` «Բանանց»,Նորայր Սարգսյանին` «Միկա»,Վաչիկ Գրիգորյանին` «Իմպուլս»,Էդգար Մկրտչյանին` «Միկա»,Արթուր Պետրոսյանին` «Միկա», կիսապաշտպաններ` Ղուկաս Պողոսյանին` «Փյունիկ»,Գոռ Մալաքյանին` «Փյունիկ»,Արման Մելքոնյանին` «Փյունիկ»,Սարգիս Շահինյանին` «Միկա»,Դավիթ Զաքարյանին` «Փյունիկ»,
Անդրանիկ Քոչարյանին` «Բանանց»,Հակոբ Լոռեցյանին` «Իմպուլս»,Լևոն Անանյանին` «Բանանց»,Դավիթ Ասլանյանին` «Բանանց», հարձակվողներ`Արարատ Եգանյանին` «Բանանց»,Ալբերտ Զոհրաբյանին` «Փյունիկ»,Վիուլեն Այվազյանին` «Փյունիկ»,Արսեն Փիլոյանին` «Փյունիկ»: