1 րոպեի ընթերցում
ԵՐԵՎԱՆ, 9 ՀՈՒԼԻՍԻ, ԱՐՄԵՆՊՐԵՍ: Ֆուտբոլի Հայաստանի ազգային հավաքականի անդամ Արտակ Եդիգարյանըպաշտոնապես դարձել է Դոնեցկի «Մետալուրգ» ակումբի ֆուտբոլիստ:
Ինչպես փոխանցում է «Արմենպրես»-ը` «Մետալուրգ» ֆուտբոլային ակումբը ներկայացրել է իր հինգ նոր ֆուտբոլիստներին, այդ թվում`Արտակ Եդիգարյանին:
«Մենք պատրաստ ենք նոր մրցաշրջանին, ինչպես հին, այնպես էլ նոր ֆուտբոլիստների հետ»,-ասել է ակումբի մարզական տնօրեն Վարդան Իսրայելյանը:
Եդիգարյանի հետ Դոնեցկ էր մեկնել նաեւ «Փյունիկ»-ի մեկ այլ ֆուտբոլիստ` Դավիթ Մանոյանը, ով այնուհետեւ մեկնել է Գերմանիա` Կրասնոդարը ներկայացնող «Կուբան»-ի հետ ուսումնամարզական հավաք անցկացնելու համար: