1 րոպեի ընթերցում
ԵՐԵՎԱՆ, 27 ՀՈՒՆԻՍԻ, ԱՐՄԵՆՊՐԵՍ: Եվրոպական Ֆուտբոլի ասոցիացիաներիմիության նախագահ Միշել Պլատինին դժգոհություն է հայտնել ՖԻՖԱ-ի որոշումներից:
«Արմենպրես»-ի տեղեկացմամբ, գերմանական ԶԼՄ-ները գրում են, որ ՈՒԵՖԱ-ի նախագահ Միշել Պլատինին դեմ է արտահայտվել ՖԻՖԱ-ի կողմից առաջարկվող ֆուտբոլային գոլերը մեխանիկորեն հաշվող սարքի ներմուծմանը:
«Ես բացարձակապես դեմ եմ նրան, որ մրցավարը նստի մոնիտորի առաջ եւ խորհուրդներ տա: Իրականում ես դեմ եմ տեղեկատվական տեխնոլոգիաների` ֆուտբոլ ներթափանցելուն»,-ասել է Պլատինին:
Եվրո-2012-ին խմբային փուլի Ուկրաինա-Անգլիա խաղի ժամանակ ուկրաինացիներին հաջողվեց գրավել բրիտանացիների դարպասը, սակայն եզրային մրցավարը չարձանագրեց դարպասի գրավումը: Անգլիացիներն առավելության հասնելով նվազագույն` 1-0 հաշվով, նվաճեցին «փլեյ օֆ»-ի ուղեգիր: