Չեմպիոնների Լիգայի վիճակահանություն Սուպեր Կլասիկոն կարող է տեղի ունենալ եզրափակիչում

ՆԻՈՆ, 16 ՄԱՐՏԻ, ԱՐՄԵՆՊՐԵՍ: Շվեյցարական Նիոն քաղաքում գտնվող ՈՒԵՖԱ-ի շտաբ բնակարանում այսօր տեղի ունեցավ Չեմպիոնների Լիգայի խաղարկության քառորդ եզրափակչի վիճակահանությունը:

Ինչպես տեղեկացնում է «Արմենպրես»-ը` վկայակոչելով ՈՒԵՖԱ-ի պաշտոնական կայքը, քառորդ եզրափակիչում սպասվում է եվրոպական երկու գրանդ ակումբների հերթական բախումը` կատալոնական «Բարսելոնա»-ի և իտալական «Միլանի»: Մյուս զույգերը հետևյալներն են. 1. «ԱՊՕԷԼ» (Կիպրոս) - «Ռեալ Մադրիդ»(Իսպանիա), 2. «Օլիմպիկ»(Ֆրանսիա) - «Բավարիա»(Գերմանիա) 3. «Բենֆիկա»(Պորտուգալիա) - «Չելսի»(Անգլիա) 4. «Միլան»(Իտալիա) - «Բարսելոնա»(Իսպանիա): Կիսաեզրափակիչում միմյանց են հանդիպելու առաջին և երկրորդ, երրորդ և չորրորդ զույգերի հաղթողները:

Հիշեցնենք, որ քառորդ եզրափակիչի հանդիպումները տեղի կունենան մարտի 27/28-ին և ապրիլի 3 / 4-ին: Եզրափակիչ հանդիպումը սպասվում է մայիսի 19-ին Գերմանիայի Մյունխեն քաղաքում: