Աբրամովիչը ցանկանում է, որ Գվարդիոլան գլխավորի «Չելսին»

ԵՐԵՎԱՆ, 5 ՄԱՐՏԻ, ԱՐՄԵՆՊՐԵՍ: Լոնդոնի «Չելսի»-ի գլխավոր մարզիչ Անդրե Վիլլաշ-Բոաշին աշխատանքից հեռացնելուց հետո, թիմի սեփականատեր Ռոման Աբրամովիչը նոր մարզիչ է փնտրում: Ինչպես հաղորդում է «Արմենպրես»-ը` վկայակոչելով championat.com-ը, Աբրամովիչը ցանկություն է հայտնել թիմում տեսնել «Բարսելոնա»-ի գլխավոր մարզիչ Գվարդիոլային: Նա այդ մտադրությունը ուներ դեռ 2011թ-ին, սակայն այդ ժամանակ նա թիմ հրավիրեց Կարլո Անչելոտիին: Գվարդիոլայի ներկայիս պայմանագիրը «Բարսելոնա»-ի հետ ավարտվում է 2012 թ-ի ամռանը և հնարավոր է, որ իսպանացին չերկարաձգի այն:

41-ամյա Գվարդիոլան գլխավորում է «Բարսելոնա»-ն 2008 թ-ից: Նրա գլխավորությամբ կատալոնացիները անցկացրել են 228 հանդիպում և հաղթել են 165 խաղում, 44 խաղ ավարտել են ոչ-ոքի ևս 19 հանդիպումներում խաղադաշտը լքել են գլխիկոր: