«Ռեալ»-ի մարզիչը գոհ է «ԲԿՄԱ»-ի հետ խաղից

ԵՐԵՎԱՆ, 22 ՓԵՏՐՎԱՐԻ, ԱՐՄԵՆՊՐԵՍ: Չեմպիոնների լիգայի 1/8 եզրափակիչ «ԲԿՄԱ»-«Ռեալ» հանդիպումից հետո խաղին անդրադարձել է «արքայական» ակումբի գլխավոր մարզիչ Ժոզե Մոուրինիոն:

Ինչպես տեղեկացնում է «Արմենպրես»-ը, վկայակոչելով Eurosport.ru-ն, Մոուրինիոն Ռոնալդուի հետ կապված միջադեպի միակ մեղավորները համարել է կողային մրցավարներին:

«Խաղը հեշտ չէր: Թեեւ մեր մրցակիցները քիչ բան արեցին, բայց կարողացան գրավել դարպասը: Մենք ունեինք հնարավորություններ, սակայն չկարողացանք: Մրցակցի դաշտում ոչ-ոքին լավ արդյունք է»,-ասել է Մոուրինիոն:

Փետրվարի 21-ին կայացած խաղում «ԲԿՄԱ»-ին հաջողվեց ոչ-ոքի ավարտել հանդիպումը «արքայական» ակումբի հետ: