368.53
Արամ Առաջինը հանդիպել է Ասիայի եկեղեցիների խորհրդի ընդհանուր քարտուղարին
1 րոպեի ընթերցում
ԵՐԵՎԱՆ, 9 ՓԵՏՐՎԱՐԻ, ԱՐՄԵՆՊՐԵՍ: Մեծի Տանն Կիլիկիո կաթողիկոս Ն.Ս.Օ.Տ.Տ. Արամ Առաջինը փետրվարի 9-ին ընդունել է Ասիայի եկեղեցիների խորհրդի ընդհանուր քարտուղար դոկտոր Հանրիեթ Լեպանկին: Ինչպես «Արմենպրես»-ին տեղեկացրին Անթիլիասի կաթողիկոսարանից, հանդիպման ընթացքում քննարկվել են միջեկեղեցական շարժման առջև ծառացած խնդիրները՝ հատկապես Ասիայի միջեկեղեցական շարժման ներկա իրավիճակը:
Վեհափառ հայրապետը հատուկ անդրադարձ է կատարել միջկրոնական երկխոսությանը` հաշվի առնելով ասիական տարածաշրջանում իսլամի, բուդդայականության և հինդու կրոնների տևական համագործակցությունը: Հանդիպման ընթացքում քննարկվել են նաև Ասիական եկեղեցիների խորհրդին Մեծի Տանն Կիլիկիո կաթողիկոսության անդամակցության հարցերը:
Դոկտոր Հանրիեթ Լեպանկը Արամ Առաջինին է փոխանցել Թայվանում, այնուհետև նաև Ինդոնեզիայում կայանալիք միջեկեղեցական համագումարներին մասնակցելու հրավերներ՝ երկու դեպքում էլ որպես գլխավոր բանախոս:
Բաժանորդագրվեք մեր ալիքին Telegram-ում