Որոշվեցին կանանց բռնցքամարտի Հայաստանի չեմպիոնները

ԵՐԵՎԱՆ, 28 ՀՈՒՆՎԱՐԻ, ԱՐՄԵՆՊՐԵՍ: Երեւանի «Կիլիկիա» մարզասրահում հունվարի 28-ին մրցավեճն ավարտեցին բռնցքամարտուհիները, որոնք պայքարում Էին Հայաստանի չեմպիոնուհու կոչման համար:

Ինչպես հաղորդում է «Արմենպրես»-ը, 51կգ քաշային կարգում Քրիստինե Սարգսյանը, վճռական մրցամարտում հաղթելով Հայկուհի Նահապետյանին, նվաճեց առաջնության հաղթողի կոչումը, 57կգ քաշային կարգում ՀՀ բռնցքամարտի չեմպիոնուհի դարձավ Լիանա Ղուկասյանը` հաղթելով Ալինա Անտոնյանին:

60կգ քաշային կարգում կանանց բռնցքամարտի Եվրոպայի առաջնության մեդալակիր Արմինե Սինաբյանը հաղթել է Աշխեն Հովհաննիսյանին եւ կանանց բռնցքամարտի առաջնության ոսկե մեդալակիր:

75կգ քաշային կարգում հաղթող Է դարձել Աշխեն Սիմոնյանը, որը վճռական մրցամարտում հաղթել Է Աննա Հովհաննիսյանին:

2012 թվականի Լոնդոնի օլիմպիական խաղերում առաջին անգամ տեղի կունենան բռնցքամարտուհիների մրցումներ 3 քաշային կարգերում: