Շ. Քոչարյան. «Միջնորդը լինում է կողմերի համաձայնությամբ. Թուրքիան ո’չ Լեռնային Ղարաբաղին է դիմել, ո’չ էլ Հայաստանին»
1 րոպեի ընթերցում
ԵՐԵՎԱՆ, 26 ՍԵՊՏԵՄԲԵՐԻ, ԱՐՄԵՆՊՐԵՍ: «Միջնորդը լինում է կողմերի համաձայնությամբ: Ինչքան գիտեմ' այս հարցով Թուրքիան ո'չ Լեռնային Ղարաբաղին է դիմել, ո'չ էլ Հայաստանին»,- «Արմենպրես»-ի հետ զրույցում նշեց ՀՀ արտաքին գործերի նախարարի տեղակալ Շավարշ Քոչարյանը' մեկնաբանելով Թուրքիայի արտաքին գործերի նախարար Ահմեդ Դավութօղլուի' օգոստոսի 24-ին Նյու Յորքում արած հայտարարությունը:
Հիշեցնենք, որ Թուրքիայի ԱԳ նախարար Ա.Դավութօղլուն հայտարարել էր, որ իր երկիրը պատրաստ է աջակցել ղարաբաղյան հակամարտության կարգավորմանը:
Նա նաեւ նշել է, որ Թուրքիան պատրաստ է միջնորդ լինել ղարաբաղյան հակամարտության կարգավորման գործընթացում: