1 րոպեի ընթերցում
ԵՐԵՎԱՆ, 14 ՆՈՅԵՄԲԵՐԻ, ԱՐՄԵՆՊՐԵՍ: Շարունակվում է Ն.Ս.Օ.Տ.Տ. Գարեգին Բ Ամենայն Հայոց կաթողիկոսի այցը Սիրիա: Վեհափառ Հայրապետի գլխավորած պատվիրակությունը նոյեմբերի 13-ին այցելել է Գալուստ Գյուլբենկյան առաջապահ վարժարան, ապա Ազգային միացյալ վարժարան, ուր հանդիպումներ է ունեցել վարժարանների ուսուցիչների եւ աշակերտների հետ: Ինչպես «Արմենպրեսե-ին տեղեկացրին ՀՀ ԱԳՆ մամուլի եւ տեղեկատվության վարչությունից, այնուհետեւ տեղի է ունեցել ժողովրդական ընդունելություն Դամասոկսի «Բաբ Թումաե հրապարակում, որտեղից Վեհափառ Հայրապետի գլխավորած թափորը դամասկահայության ուղեկցությամբ ուղեւորվել է դեպի Ս. Սարգիս Առաջնորդանիստ եկեղեցի: Նույն օրը երեկոյան Գարեգին Բ Ամենայն Հայոց կաթողիկոսը հանդիպել է Ասորի Ուղղափառ եկեղեցու Պատրիարք Կաթողիկոս Զաքա Ա Իվազի հետ` վերջինիս նստավայրում: Հանդիպման ավարտից հետո Զաքա Կաթողիկոսը կազմակերպել է պաշտոնական ընթրիք` ի պատիվ Վեհափառ Հայրապետի: