368.54
Գարեգին Բ Ամենայն Հայոց կաթողիկոսն ընդունել է Գերմանիայի նորանշանակ արտակարգ եւ լիազոր դեսպան Հ. Շմիդթին
1 րոպեի ընթերցում
ԷՋՄԻԱԾին, 10 ՆՈՅԵՄԲԵՐԻ, ԱՐՄԵՆՊՐԵՍ: Մայր Աթոռ Սուրբ Էջմիածնում այսօր Ն.Ս.Օ.Տ.Տ. Գարեգին Բ Ամենայն Հայոց կաթողիկոսն ընդունել է Գերմանիայի Դաշնային Հանրապետության նորանշանակ արտակարգ եւ լիազոր դեսպան Հանս Յոխեն Շմիդթին: Ինչպես «Արմենպրեսե-ի հայտնեցին Մայր Աթոռի մամլո դիվանից, շնորհավորելով դեսպանին նշանակման առիթով` Նորին սրբությունն արդյունավետ առաքելություն է մաղթել նրան Հայաստանում: Հանդիպմանն անդրադարձ է կատարվել Մայր Աթոռի եւ Գերմանիայի դեսպանատան միջեւ ձեւավորված սերտ կապերին, Գերմանիայի հայոց թեմի գործունեությանը, Գերմանիայի հայ համայնքի կյանքին եւ նրա հանդեպ ցուցաբերվող հոգատար վերաբերմունքին: Վեհափառ Հայրապետը գոհունակությամբ տեղեկացրել է նաեւ, որ Մայր Աթոռի մի քանի միաբաններ ներկայումս բարձրագույն կրթություն են ստանում Գերմանիայի տարբեր հոգեւոր հաստատություններում:
Բաժանորդագրվեք մեր ալիքին Telegram-ում