367.79
Ն.Ս.Օ.Տ.Տ. Արամ Ա կաթողիկոսը եւ քրիստոնյա-իսլամ երկխոսության հանձնախումբը քննարկել են պաղեստինա-իսրայելական հակամարտության վերաբերյալ հարցեր
1 րոպեի ընթերցում
ԱՆԹԻԼԻԱՍ, 14 ՀՈՒՆՎԱՐԻ, ԱՐՄԵՆՊՐԵՍ: Լիբանանի 7 գլխավոր համայնքները ներկայացնող քրիստոնյա-իսլամ երկխոսության հանձնախումբը` Մուհամեդ Սամաքի գլխավորությամբ, պաշտոնական այց է կատարել Անթիլիասի կաթողիկոսարան` հանդիպելով Ն.Ս.Օ.Տ.Տ. Արամ Ա կաթողիկոսի հետ: Ինչպես «Արմենպրեսե-ին տեղեկացրին կաթողիկոսարանի մամուլի ծառայությունից, հանդիպման ժամանակ հատկապես քննարկվել են Միջին Արեւելքը տագնապեցնող պաղեստինա-իսրայելական հակամարտության, Գազայում ստեղծված իրավիճակի վերաբերյալ հարցեր: Հանձնախմբի անդամներն առաջարկել են Նորին սրբությանը գումարել հոգեւոր պետերի համաժողով: Վեհափառ Հայրապետը դրական է գնահատել առաջարկը, որի իրագործման համար հանձնախումբը գործնական քայլեր եւ այլ աշխատանքներ կկատարի: Նշենք, որ հանձնախմբում հայ համայնքը ներկայացնում է դոկտ. ժան Սալմանյանը:
Բաժանորդագրվեք մեր ալիքին Telegram-ում