Ն.Ս.Օ.Տ.Տ. Գարեգին Բ Ամենայն Հայոց կաթողիկոսը շնորհավորական ուղերձ է հղել Սուրբ Աստվածածնի ավետման, մայրության, գեղեցկության տոների առթիվ
1 րոպեի ընթերցում
ԷՋՄԻԱԾԻՆ, 7 ԱՊՐԻԼԻ , ԱՐՄԵՆՊՐԵՍ: Ն.Ս.Օ.Տ.Տ. Գարեգին Բ Ամենայն Հայոց կաթողիկոսն այսօր Սուրբ Աստվածածնի ավետման, մայրության, գեղեցկության տոների առթիվ շնորհավորական ուղերձ է հղել կանանց ու մայրերին: Ինչպես «Արմենպրեսե-ին հայտնեցին Մայր Աթոռի մամլո դիվանից, հայրապետական ուղերձում ասված է. «Մայրական հոգատարության, սիրո եւ նվիրումի հիանալի օրինակ է Սուրբ Աստվածածինը բոլոր կանանց համար` արդյունավորելու իրենց բացառիկ դերն ու կոչումը ընտանիքի, ազգի եւ հայրենիքի կյանքում: Աղոթում ենք, որ Սուրբ Աստվածածնի բարեխոսությամբ Տերը օրհնի բոլոր կանանց եւ մայրերին` սիրառատ ոգով իրականացնելու բարի առաքելությունը` դաստիարակելու ազնիվ եւ առաքինազարդ զավակներ, նրանց կրթելու քրիստոնեական սուրբ արժեքների հանդեպ հավատարմության մեջ: Թող Տերը շնորհազարդի տիկնանց եւ օրիորդաց եւ պահի ու պահպանի իր ամենախնամ Սուրբ Աջի հովանու ներքոե: