Հայաստան ժամանած օտարերկրյա դատական համակարգի ներկայացուցիչներին ընդունել է Ն.Ս.Օ.Տ.Տ. Գարեգին Բ Ամենայն հայոց կաթողիկոսը
1 րոպեի ընթերցում
ԵՐԵՎԱՆ, 11 ՀՈՒԼԻՍԻ, ԱՐՄԵՆՊՐԵՍ: ՀՀ վճռաբեկ դատարանի կազմավորման 10- ամյակի կապակցությամբ Հայաստան են ժամանել մի շարք երկրների դատական համակարգի ներկայացուցիչներ, մասնավորապես՝ ՌԴ Գերագույն Արբիտրաժային դատարանի, Բելառուսի Վիտեբսկի շրջանի Տնտեսական դատարանի, Մոլդովայի Գերագույն դատական պալատի, Վրաստանի Գերագույն դատարանի նախագահները, ՌԴ Գերագույն դատարանի նախագահի տեղակալը, Դատավորների Միջազգային Միության նախագահ Մայա Տրատնիկը եւ այլոք: Ինչպես «Արմենպրեսե-ին տեղեկացրեց վճռաբեկ դատարանի մամուլի քարտուղար Ալինա Ենգոյանը, հյուրերն այսօր Էջմիածնում հանդիպում են ունեցել Ն.Ս.Օ.Տ.Տ. Գարեգին Բ Ամենայն հայոց կաթողիկոսի հետ, այնուհետեւ վճռաբեկ դատարանի նախագահի ուղեկցությամբ այցելել են Ծիծեռնակաբերդ եւ Հայոց ցեղասպանության թանգարան՝ իրենց հարգանքի տուրքը մատուցելու Մեծ Եղեռնի զոհերի հիշատակին: Միջոցառումների շարքն այսօր ծրագրավորված է եզրափակել Երեւանի Արարատ կոնյակի-գինու-օղու կոմբինատ այցելությամբ: