Լավագույնը ճանաչված մանկավարժներին մրցանակները կհանձնի Ամենայն Հայոց Կաթողիկոս Գարեգին Բ-ն

ԱՇՏԱՐԱԿ, 20 ՀՈՒՆԻՍԻ, ԱՐՄԵՆՊՐԵՍ (սեփ. թղթ. Վարդեւան Գրիգորյան):Արագածոտնի մարզում ավարտվեցին միասնական եւ ավարտական քննությունները, որին ընդհանուր առմամբ մասնակցեց 2442 շրջանավարտ: Նրանցից 740-ը հայտ էին ներկայացրել հայոց լեզու եւ գրականություն, մաթեմատիկա եւ օտար լեզուներ առարկաներից միասնական քննություն հանձնելու համար: Մարզպետարանի կրթության, մշակույթի եւ սպորտի վարչության պետ Ս. Ղուկասյանը «Արմենպրեսե-ին տեղեկացրեց, որ քննություններն անցել են պահանջվող չափանիշներին համապատասխան, աշակերտների ստացած գնահատականներում գերիշխում են բարձր թվանշանները: Իսկ մեդալի թեկնածու 5 շրջանավարները բոլորն էլ ստացել են գերազանց գնահատականներ՝ հաստատելով մեդալի արժանանալու իրենց հավակնությունը: Կրթության վարչության մեկ այլ տեղեկացմամբ արդեն ամփոփվել են Ամենայն Հայոց Կաթողիկոսի եւ ՀՀ ԿԳ նախարարության կողմից համատեղ անցկացվող «Հայոց լեզու եւ գրականությունե, «Հայոց եկեղեցու պատմությունե եւ բնագիտական առարկաների ուսուցիչների՝ արդեն ավանդական դարձած մրցության արդյունքները: Ըստ այդմ, հաղթողներ են ճանաչվել Ապարանի թիվ 3 դպրոցի հայոց լեզվի եւ գրականության ուսուցչուհի Լիլիկ Քոչարյանը, Աշտարակի Ն. Աշտարակեցու անվան թիվ 1 դպրոցի հայոց եկեղեցու պատմության ուսուցչուհի Անժելա Իսպիրյանը, նույն դպրոցի հայոց պատմության ուսուցչուհի Կարինե Մարտիրոսյանը եւ Ապարանի թիվ 2 դպրոցի կենսաբանության ուսուցչուհի Նարինե Մայիլյանը: Հաղթանակած ուսուցիչներին մրցանակները կհանձնի անձամբ ինքը՝ Ամենայն Հայոց Կաթողիկոս Գարեգին Բ-ն: Հայտնի են նաեւ «Տարվա լավագույն ուսուցիչե, «Տարվա լավագույն տնօրենե եւ «Տարվա լավագույն դաստիարակե մրցույթի 2008 թվականի հաղթողները: Մրցանակները համապատասխանաբար շնորվհել է Աշտարակի Ն. Սիսակյանի անվան դպրոցի Հայոց լեզվի եւ գրականության ուսուցչուհի Կարինե Վահանյանին, Շենավանի դպրոցի տնօրեն Ազատ Ազատյանին եւ Օշականի «Անահիտե մանկապարտեզի դաստիարակչուհի Հասմիկ Զաքարյանին: