«ՀայՌուսգազարդե ՓԲԸ հիմնադրման 10-ամյակի կապակցությամբ ՀՀ նախագահ Ռոբերտ Քոչարյանն այցելել է ընկերության վարչական համալիր
3 րոպեի ընթերցում
ԵՐԵՎԱՆ, 12 ՍԵՊՏԵՄԲԵՐԻ, ԱՐՄԵՆՊՐԵՍ: «ՀայՌուսգազարդե ՓԲԸ հիմնադրման 10- ամյակի կապակցությամբ ՀՀ նախագահ Ռոբերտ Քոչարյանն այսօր այցելել է ընկերության վարչական համալիր: Կարճատեւ շրջայցի ընթացքում ՀՀ նախագահը դիտել է շենքային նոր համալիրը, այնուհետեւ մասնակցել է ընդլայնված խորհրդակցությանը: Ինչպես «Արմենպրեսե-ին հայտնեցին ընկերության հասարակայնության հետ կապերի ծառայությունից, ՀՀ նախագահ Ռոբերտ Քոչարյանը ողջունել եւ շնորհավորել է հոբելյանի կապակցությամբ հրավիրված հյուրերին, «ՀայՌուսգազարդե ՓԲԸ բաժնետերերի եւ գործընկեր այլ կազմակերպությունների ներկայացուցիչներին: Բարձր գնահատելով «ՀայՌուսգազարդե ՓԲԸ գործունեությունն ու ներդրումը երկրի տնտեսության մեջ, նախագահը նշել է, որ «բոլորս իրավամբ կարող ենք հպարտանալ, որ առնչություն ենք ունեցել ընկերության ստեղծմանըե: Հակիրճ ներկայացնելով «ՀայՌուսգազարդե ՓԲԸ տասնամյա գործունեության արդյունքներն ու ýինանսատնտեսական հիմնական ցուցանիշները, վարչության նախագահ –գլխավոր տնօրեն Կարեն Կարապետյանն ընդգծել է, որ ընկերության հիմնադրումը կարեւորվում է երկրի էներգետիկ անվտանգության ապահովման ռազմավարական խնդրի իրականացման տեսանկյունից եւ այս տարիների ընթացքում «ՀայՌուսգազարդե -ը կատարել է իր առաջ դրված առաքելությունը` անխափան գազամատակարարում ապահովելով հանրապետության սպառողներին: Կարեն Կարապետյանի խոսքով, ընկերության ներդրումներն այս տարիների ընթացքում կազմել են մոտ 50 մլրդ դրամ /110 մլն ԱՄՆ դոլար/, որոնք ուղղվել են գազատրանսպորտային համակարգի վերականգնման ու թողունակության բարձրացման, Աբովյանի գազապահեստ-կայանի վերակառուցման ու արդիականացման, գազիýիկացման ու նոր տեխնոլոգիաների ներդրման ծրագրերին: Արդյունքում Հայաստանը գազիýիկացման մակարդակով այսօր առաջատար երկրերից մեկն է աշխարհում: Ըստ Կ. Կարապետյանի, ընկերության ռազմավարական նպատակը տարածաշրջանային նշանակության գազաէներգետիկ ընկերություն ստեղծելն է` մասնակցություն ապահովելով ներքին ու արտաքին շուկաների էներգետիկ ծրագրերում: «ՀայՌուսգազարդե ՓԲԸ հիմնադրման 10-ամյակի կապակցությամբ ՀՀ նախագահի հրամանգրով «Անանիա Շիրակացիե մեդալով պարգեւատրվել են գլխավոր տնօրենի խորհրդական Վ. Մարգարյանը եւ «Տրանսգազշինե ՍՊԸ գլխավոր մասնագետ Ռ. Շիրինյանը: