ԼՂՀ նախագահ Բակո Սահակյանը վարչապետի պաշտոնում առաջադրել է Արայիկ Հարությունյանի թեկնածությունը

ՍՏԵՓԱՆԱԿԵՐՏ, 12 ՍԵՊՏԵՄԲԵՐԻ, ԱՐՄԵՆՊՐԵՍ: ԼՂՀ նախագահ Բակո Սահակյանը Ազգային ժողովին է ներկայացրել Արայիկ Հարությունյանի թեկնածությունը` ԼՂՀ վարչապետի պաշտոնում նշանակելու համար։ ԼՂՀ Ազգային ժողովի նախագահ Աշոտ Ղուլյանը սեպտեմբերի 11-ին հրավիրել է աշխատանքային խորհրդակցություն՝ ԱԺ մշտական հանձնաժողովների նախագահների եւ աշխատակազմի ծառայությունների պատասխանատուների մասնակցությամբ։ Ինչպես «Արմենպրեսե-ին հայտնեցին ԼՂՀ ԱԺ-ից, մտքերի փոխանակության ընթացքում ճշտվել են վարչապետի թեկնածուի հետ պատգամավորական խմբակցությունների հանդիպումների եւ առաջիկա 5 օրվա ընթացքում ԱԺ լիագումար նիստի հրավիրման ու անցկացման ընթացակարգերը, տրվել են համապատասխան հանձնարարականներ։