368.54
Ն.Ս.Օ.Տ.Տ. Գարեգին Բ Ամենայն Հայոց կաթողիկոսն ընդունել է Հայաստանում իր դիվանագիտական առաքելությունն ավարտած Իրանի Իսլամական Հանրապետության արտակարգ եւ լիազոր դեսպան Ա. Հաղիղյան
1 րոպեի ընթերցում
ԷՋՄԻԱԾԻՆ, 19 ԴԵԿՏԵՄԲԵՐԻ, ԱՐՄԵՆՊՐԵՍ: Մայր Աթոռ Սբ Էջմիածնում Ն.Ս.Օ.Տ.Տ. Գարեգին Բ Ամենայն Հայոց կաթողիկոսն ընդունել է Հայաստանի Հանրապետությունում իր դիվանագիտական առաքելությունն ավարտած Իրանի Իսլամական Հանրապետության արտակարգ եւ լիազոր դեսպան Ալիռեզա Հաղիղյանին: Ինչպես «Արմենպրեսե-ին հայտնեցին Մայր Աթոռի մամլո դիվանից, հանդիպման ընթացքում Նորին սրբությունը գոհունակությամբ նշել է, որ երկու երկրների միջեւ փոխհարաբերությունները բոլոր ոլորտներում զարգացում են ապրում` դրանում կարեւորելով նաեւ դեսպանատան դերը: Այս առիթով Վեհափառ Հայրապետն իր գնահատանքն է հայտնել դեսպանին` Հայաստանին բերած նպաստի ու արդյունավոր ծառայության համար: Հանդիպման ժամանակ խոսվել է նաեւ երկու ժողովուրդների պատմամշակութային առնչությունների, ներկայիս բարիդրացիական սերտ հարաբերությունների եւ տնտեսական համագործակցության մասին:
Բաժանորդագրվեք մեր ալիքին Telegram-ում