Ն. Սիսակյանի ծննդյան 100-ամյակին նվիրված գիտաժողովի մասնակիցներին ընդունել է Գարեգին Բ Ամենայն Հայոց կաթողիկոսը
2 րոպեի ընթերցում
ԷՋՄԻԱԾԻՆ, 4 ԱՊՐԻԼԻ, ԱՐՄԵՆՊՐԵՍ: Մայր Աթոռ Սուրբ Էջմիածնում Ն.Ս.Օ.Տ.Տ. Գարեգին Բ Ամենայն Հայոց կաթողիկոսն այսօր ընդունել է ակադեմիկոս Նորայր Սիսակյանի ծննդյան 100-ամյակին նվիրված «Կենսաքիմիայի, մոլեկուլյար, ճառագայթային կենսաբանության եւ գենետիկայի հիմնահարցերըե թեմայով միջազգային գիտաժողովի մասնակիցներին: Գիտաժողովի աշխատանքները եւ մասնակիցներին ներկայացրել է ակադեմիկոս Ծովակ Ավագյանը: Ինչպես «Արմենպրեսե-ին տեղեկացրին Մայր Աթոռի մամլո դիվանից, հանդիպման ընթացքում Նորին սրբությունն իր գնահատանքն է հայտնել հայ ժողովրդի արժանավոր զավակի, մեծանուն գիտնականի հիշատակին նվիրված գիտաժողովների կազմակերպիչներին` կարեւորելով նման միջոցառումների անցկացումը, ինչը նպաստում է ժողովուրդների մերձեցմանը եւ փոխհամագործակցությանը: «Հաճելի է տեսնել, որ այսպիսի առիթները նաեւ ծառայում են բարի ավանդույթների վերականգնմանը մեր երկու ժողովուրդների գիտական շրջանակներում տասնամյակների համագործակցության եւ մեր բարեկամության ոգու վերհաստատմանըե,- նշել է Վեհափառ Հայրապետն իր խոսքում: Նա կարեւորել է մեծ գործիչների գիտական ձեռքբերումների վերաարժեւորումը եւ դրանց արդյունքների ծառայեցումը հանուն մարդկության առաջընթացի ու բարօրության: Ներկաների անունից շնորհակալական խոսքով Նորին սրբությանն է դիմել Նորայր Սիսակյանի որդին` Դուբնայի Միջուկային հետազոտությունների միջազգային ինստիտուտի տնօրեն Ալեքսեյ Սիսակյանը: