367.79
ՀՀ նախագահ Ռոբերտ Քոչարյանը հեռախոսազրույց Է ունեցել Արամ Ա© Կաթողիկոսի հետ
1 րոպեի ընթերցում
ԵՐԵՎԱՆ, 5 ՀՈՒՆՎԱՐԻ, ԱՐՄԵՆՊՐԵՍ:ՀՀ Նախագահ Ռոբերտ Քոչարյանը երեկ հեռախոսազրույց է ունեցել Ն©Ս©Օ©Տ©Տ© Արամ Ա© Կաթողիկոսի հետ։ Ինչպես տեղեկացանք Կաթողիկոսարանի մամուլի ծառայությունից, Վեհափառ Հայրապետը Նոր Տարվա եւ Աստվածահայտնության տոների առիթով շնորհավորել է ՀՀ Նախագահին` մաղթելով նրան լիակատար հաջողություն ազգային առաքելության գործում։ Վեհափառ Հայրապետն իր ողջույններն ու բարեմաղթանքներն է հղել նաեւ Հայաստանի ժողովրդին։ Նախագահ Ռոբերտ Քոչարյանն իր հերթին շնորհավորել է Վեհափառ Հայրապետին, մաղթելով նրան ծրագրերի իրականացում հոգեւոր եւ ազգային ծառայության գործում։ Հեռախոսային խոսակցության ժամանակ ՀՀ Նախագահն ու Վեհափառը հակիրճ անդրադարձել են նաեւ տարածաշրջանում եւ մասնավորապես Լիբանանում տիրող ընդհանուր դրությանը։
Բաժանորդագրվեք մեր ալիքին Telegram-ում