Քարակերտում իրականացվում է զարգացման ռազմավարական ծրագիր

2 րոպեի ընթերցում

ՔԱՐԱԿԵՐՏ, 24 ՄԱՅԻՍԻ, ԱՐՄԵՆՊՐԵՍ (սեփ. թղթ. Արմենուհի Մխոյան)։ Քարակերտի զարգացման ծրագրի ընթացքին ծանոթանալու նպատակով մայիսի 23-ին հերթական այցով Քարակերտում է գտնվել ամերիկահայ գործարար, բարերար Գարո Արմենը։ Նրա նախաձեռնությամբ 2004 թվականին Հայաստանի մանուկներ եւ Շիրակի մրցունակության կենտրոն հիմնադրամների կողմից մշակվել է Քարակերտի զարգացման ռազմավարական ծրագիր։ Ներկայումս իրականացվում է «Հայաստանի գյուղական վայրերի զարգացման ինտեգրացված ծրագիրըե, որի շրջանակներում արդեն ընթացքի մեջ են համայնքի բարենորոգմանն ուղղված մի շարք աշխատանքներ։ Բարերարի աջակցությամբ հիմնանորոգվում են գյուղի թիվ 1 եւ 2 նախակրթարանները, թիվ 1 դպրոցը, ամբուլատորիան, կառուցվում է նաեւ ատամնաբուժարան։ Վերանորոգման աշխատանքներից բացի տվյալ կառույցները նաեւ կկահավորվեն։ Համայնքի զարգացման ծրագրի շրջանակներում 90 %-ով լուծվել է գյուղի աղբաթափման խնդիրը. աղբաթափության շարունակական գործընթացն արդյունավետ դարձնելու նպատակով համայնքի հասարակական վայրերում տեղադրվում են աղբամաններ։ Ներկայումս փորձ է արվում լուծել համայնքի կարեւորագույն խնդիրներից մեկը՝ խմելու եւ ոռոգման ջրի խնդիրը։ Առաջիկայում ԱՄՆ գյուղդեպարտամենտի համագործակցությամբ Հայաստանի մանուկներ հիմնադրամը նախատեսել է իրականացնել ջրամանակարարման ներքին ցանցի բարենորոգման աշխատանքներ, իսկ Համաշխարհային բանկի եւ ՄԱԿ-ի զարգացման գրասենյակի հետ ծրագրված է լուծել 30 հա պահուստային հողերի ոռոգման խնդիրը։ Նշենք, որ ջրագծի կառուցման նախահաշիվն արդեն պատրաստ է , հայտարարված է նաեւ շինարարական կազմակերպության մրցույթ։ Ջրագծի շինարարական աշխատանքները նախատեսված է սկսել հունիսին։ Այցի ընթացքում Գարո Արմենը եղել է վերանորոգվող նախակրթարաններում, դպրոցում եւ ամբուլատորիայում, մասնակցել է նաեւ Քարակերտի «ԱրթվիլլՇինե ՍՊԸ-ի կահույքագործական արտադրամասի պաշտոնական բացմանը։

Հայերեն

Վահան Կոստանյանը Ալբանիայի գործընկերոջ հետ քննարկել է երկկողմ օրակարգի ընդլայնման հեռանկարները

«Երևանի ավտոբուս»-ում մեկնարկել է «Հայգեր» մակնիշի ավտոբուսների նվիրատվության գործընթաց

Հայաստանն ընդունել է Գազայից երեք պաղեստինցի երեխաների` խիստ անհրաժեշտ մասնագիտացված բժշկական օգնություն ցուցաբերելու նպատակով

ԱԳՄԱ նախարարի տեղակալը մասնակցել է Ասիա-խաղաղօվկիանոսյան տարածաշրջանի տրանսպորտի հարցերով նախարարական հինգերորդ համաժողովի եզրափակիչ նիստին

Շինաշխատանքներով պայմանավորված նոյեմբերի 21-ից 24-ը կփակվի Վաղարշապատ-Մասիս ճանապարհի մի հատվածը

Մեկնարկել են «Անվտանգ տարի փրկարարի հետ» իրազեկման և ուսուցման դասընթացները․ մասնակցել է ավելի քան 900 քաղաքացի

Քաղաքացիները կկարողանան եկամտային հարկից հատկացումներ կատարել ՀԿ-ներին, լրատվամիջոցներին և կուսակցություններին

Գավառ համայնքում հայտնի են «Վոլեյբոլի դպրոցականների լիգա» մրցաշարի համայնքային փուլի հաղթող թիմերը

Փաշինյանը ցավակցություն է հայտնել Թբիլիսիում պայթյունի հետևանքով զոհվածների հարազատներին

Շիրակի քրեական ոստիկանները թմրանյութի իրացումների շղթա են բացահայտել