Արտերկրի ռազմական հաստատություններում վերապատրաստված կամ հիմնարար կրթություն ստացած սպաները վերադառնալով` ծառայում են ՀՀ զինված ուժերում

3 րոպեի ընթերցում

ԵՐԵՎԱՆ, 14 ԱՊՐԻԼԻ, ԱՐՄԵՆՊՐԵՍ (թղթ. Օýելյա Կամավոսյան): ՀՀ Զինված ուժերի սպաները հիմնականում վերապատրաստվում են ԱՄՆ-ում, Ռուսաստանում, հիմնարար կրթություն են ստանում Հունաստանում, նաեւ՝ Չինաստանում եւ Իտալիայում: Հայ սպաները Հունաստանում մասնակցում են կարճատեւ վերապատրաստմանը, ինչպես նաեւ Հունական ցամաքային զորքերի ռազմական ակադեմիայի ամբողջական դասընթացին: Հունաստանի ակադեմիան ավարտել է 40 սպա, ովքեր ներկայումս ծառայում են ՀՀ Զինված ուժերում, արդեն ունեն մայորի զինվորական աստիճան: «Գործընթացը շարունակական է, տարեկան շուրջ 5-6 սպա է ուղարկվում այնտեղ ուսումը շարունակելուե,- ԱՐՄԵՆՊՐԵՍԻ թղթակցին ասաց ՀՀ պաշտպանության նախարարության` արտաքին հարաբերությունների վարչության պետ, գեներալ-մայոր Միքայել Մելքոնյանը, տեղեկացնելով, որ արտերկրի ռազմական հաստատություններում ներկայումս սովորող եւ արդեն պատրաստություն անցած սպաների թիվը հասնում է մոտավորապես 1000-ի: Հայ սպաները սովորում են նաեւ Լատվիայի ռազմական ակադեմիայում, երեք հայ սպա հիմնավոր կրթություն է ստանում Իտալիայում, այս տարի նախատեսվում է եւս երեքին այնտեղ ուղարկել: Հայ սպաները վերապատրաստվում են նաեւ Գերմանիայի ռազմաբժշկական ակադեմիայում: Մ.Մելքոնյանի խոսքերով, ստեղծված գերատեսչական հանձնաժողովն ուսումնասիրում է յուրաքանչյուր սպայի անձնական գործը, կարողությունները, լեզվական իմացության մակարդակը: Մինչեւ արտերկիր մեկնելը սպաներն անգլերեն լեզվի կենտրոնում անցնում են նախնական պատրաստություն: Տարբեր երկրներից լինում են առաջարկներ, հայկական կողմը քննարկում է դրանց նպատակահարմարությունը, այդ մասնագիտությունների անհրաժեշտությունն ու կարեւորությունը: Պաշտպանության բարեփոխումների ծրագրերի հետ կապված` առաջիկայում ավելացվելու է արտերկիր ուղարկվող սպաների թիվը: «Արեւմտյան երկրների հետ գործակցության սկզբունքները խորացնելու համար անհրաժեշտ են բանիմաց, հիմնավոր ռազմական կրթություն ստացած, լեզուների տիրապետող զարգացած սպաներե,- նկատեց վարչության պետը: Այդպիսի սպաները երբեմն փոխհամաձայնության սկզբունքով ծառայությունը շարունակում են այլ համակարգերում: Քանի որ միայն ՊՆ- ն ունի նման հնարավորություն, այդ առումով աջակցում է մյուս գերատեսչություններին: «Արտերկրի ռազմական հաստատություններում վերապատրաստված կամ հիմնարար կրթություն ստացած սպաները վերադառնալով` ծառայում են ՀՀ ԶՈւ-ումե,- ընդգծեց Մ.Մելքոնյանը:

Հայերեն

Հայաստանն ու Եգիպտոսը քննարկել են առևտրի ոլորտում համագործակցությունը խորացնելու հեռանկարները

Հայաստանի պատմության թանգարանն ու Աթենքի ազգային հնագիտական թանգարանը համատեղ ցուցահանդեսներ կիրականացնեն

Վահան Կոստանյանը հանդիպել է ՄԱԿ-ի գլխավոր քարտուղարի՝ Սիրիայի հարցերով հատուկ բանագնացի տեղակալի հետ

ՀՀ պաշտպանության նախարարի տեղակալն այցելել է մի շարք զորամասեր

Ռազմական ոստիկանության պետն աշխատանքային խորհրդակցություն է անցկացրել

Հրապարակվել են նոյեմբերի 29-ին կայանալիք ՏԻՄ ընտրությունների վերջնական ցուցակները

Հայաստանում առաջիկա օրերին սպասվում են տեղումներ, օդի ջերմաստիճանը զգալիորեն կնվազի

Արմավիրի մարզի մի շարք բնակավայրերում փորձարկվելու են էլեկտրական շչակներ

Փրկարարներն արձագանքել են քամու հետևանքով գրանցված դեպքերին

Վահան Կոստանյանը Նեապոլում հանդիպել է Իտալիայի խորհրդարանի արտաքին հարաբերությունների հանձնաժողովի նախագահի հետ