Ն. Ս. Օ.Տ.Տ. Գարեգին Բ Ամենայն Հայոց կաթողիկոսը շնորհավորական ուղերձ է հղել ՀՀ Սահմանադրության օրվա առթիվ
2 րոպեի ընթերցում
ԷՋՄԻԱԾԻՆ, 5 ՀՈՒԼԻՍԻ, ԱՐՄԵՆՊՐԵՍ: Ն. Ս. Օ.Տ.Տ. Գարեգին Բ Ամենայն Հայոց կաթողիկոսը շնորհավորական ուղերձ է հղել ՀՀ Սահմանադրության օրվա առթիվ, որտեղ, մասնավորապես, ասված է. «Մայր Աթոռ Սուրբ Էջմիածնից սիրով ու ջերմորեն ողջունում եւ Հայրապետական Մեր օրհնությունն ու շնորհավորանքներն ենք բերում մեր ժողովրդին` Հայաստանի Հանրապետության Սահմանադրության օրվա առթիվ։ Սահմանադրությունը պետության հիմնաքարն ու հիմնակառույցն է։ Սահմանադրության օրվա խորհրդով մենք հաստատում ենք մեր հոգիներում գերակայությունն այն արժեքների ու սկզբունքների, որոնցով առաջնորդվելով ի զորու պիտի լինենք շենացնելու մեր հայրենի երկիրը եւ զորացնելու մեր երիտասարդ պետականությունը։ Մենք հավատում ենք, որ առավել պիտի ամրագրվեն ու բարի պտուղներ տան իրավունքի ու մարդասիրության արժեքները մեր հասարակական կյանքում` իբրեւ արտահայտություն քրիստոնյա մեր ինքնության ու ավանդների եւ վկայություն բարեշեն ու երջանիկ գալիքի մեր հույսերի։ Մեր ժողովրդի դարավոր ձգտումն է ապրել ապահով ու օրինասեր հասարակական կյանքով, ազատորեն ստեղծել եւ կառուցել։ Աղոթում ենք, որ Տերը խաղաղ պահպանի աշխարհը համայն, մեր հայրենիքն ու ժողովրդին եւ պարգեւի մեզ նախանձավոր ու հավատավոր հոգի, սեր ու նվիրում հայրենաշինության ճանապարհներին։ Ողջ լերուք ի Տեր, զորացյալ շնորհոք Սուրբ Հոգվույն եւ հավետ օրհնյալ ի Մենջ. ամենե։