Գարեգին Բ Ամենայն Հայոց կաթողիկոսն ընդունել Է Հայաստանում Սլովակիայի նորանշանակ դեսպան Աուգուստին Չիսարին
2 րոպեի ընթերցում
ԷՋՄԻԱԾԻՆ, 15 ՄԱՐՏԻ, ԱՐՄԵՆՊՐԵՍ: Ն.Ս.Օ.Տ.Տ. Գարեգին Բ Ամենայն Հայոց կաթողիկոսը Մայր աթոռ Սուրբ Էջմիածնում այսօր ընդունել Է Հայաստանի Հանրապետությունում Սլովակիայի արտակարգ եւ լիազոր դեսպան Աուգուստին Չիսարին: Ինչպես տեղեկացանք Մայր աթոռի մամլո դիվանից, Վեհափառ Հայրապետն իր բարեմաղթանքներն Է ուղղել Սլովակիայի նորանշանակ դեսպանին եւ արդյունաշատ ծառայություն ցանկացել նոր պաշտոնում: Նորին Սրբությունը ուրախություն Է հայտնել, որ Հայաստանի ու Սլովակիայի միջեւ հարաբերությունները նոր զարգացում եւ վերելք են ապրում` նշելով նաեւ, որ Սլովակիայի հայ համայնքը նույնպես կարեւոր դերակատարություն է իրականացնում երկու պետությունների ու ժողովուրդների կապերի սերտացման ու ամրապնդման գործում: Ամենայն Հայոց կաթողիկոսն իր շնորհակալությունն ու գնահատանքն Է հայտնել ի դեմս դեսպանի Սլովակիայի իշխանություններին ու ժողովրդին` անցած տարվա նոյեմբերին Սլովակիայի խորհրդարանի կողմից Հայոց ցեղասպանության ճանաչման համար: Իր հերթին դեսպանը, շնորհակալություն հայտնելով այցի հնարավորության ու ջերմ ընդունելության համար, հավաստիացրել Է, որ ամենը պիտի ի գործ դնի երկու ժողովուրդների բարեկամության առավել ամրապնդման համար: Որպես պատմաբան նա նշել Է նաեւ, որ Հայ Եկեղեցին մեծ մշակույթ է պարգեւել ոչ միայն հայ ժողովրդին, այլեւ ողջ աշխարհին: Հանդիպմանը Հայոց Հայրապետը պրն. Չիսարին ներկայացրել Է Հայաստանյայց Առաքելական Եկեղեցու առաքելությունը, ներկայիս գործունեությունն ու մարտահրավերները: Խոսվել Է նաեւ երկու երկրներում տիրող կրոնական իրավիճակի մասին: