Ն.Ս.Օ.Տ.Տ. Գարեգին Բ Ամենայն Հայոց կաթողիկոսն ընդունել Է ՀՀ-ում Գերմանիայի Դաշնային Հանրապետության արտակարգ և լիազոր դեսպանին
1 րոպեի ընթերցում
ԷՋՄԻԱԾԻՆ, 15 ՍԵՊՏԵՄԲԵՐԻ, ԱՐՄԵՆՊՐԵՍ: Ն.Ս.Օ.Տ.Տ. Գարեգին Բ Ամենայն Հայոց կաթողիկոսը Մայր Աթոռ Սուրբ Էջմիածնում այսօր ընդունել Է ՀՀ-ում Գերմանիայի Դաշնային Հանրապետության արտակարգ և լիազոր դեսպան Հայկե Փայչիին: Ինչպես հայտնեցին Մայր Աթոռի մամլո դիվանից, ողջունելով նորանշանակ դեսպանին` Վեհափառ Հայրապետն անդրադարձել Է Հայաստանի և Գերմանիայի միջև ստեղծված ջերմ հարաբերություններին, Հայ Առաքելական եկեղեցու անցած ուղուն և ներկայիս գործունեությանը: Նորին Սրբությունը նաև ուրախությամբ արձանագրել Է, որ Մայր Աթոռի մի քանի միաբաններ իրենց աստվածաբանական բարձրագույն կրթությունը շարունակում են Գերմանիայի կրթական հաստատություններում: Շնորհակալություն հայտնելով Ամենայն Հայոց կաթողիկոսին ընդունելության համար` Գերմանիայի Դաշնային Հանրապետության արտակարգ և լիազոր դեսպանը նշել Է, որ իր կարելին պետք է անի է՛լ ավելի սերտացնելու հարաբերությունները երկու երկրների միջև, ինչպես նաև մասնակիցը դառնալու այն բոլոր ծրագրերին, որոնք միտված են Հայաստանի տնտեսական հզորացմանն ու Եվրախորհրդին ինտեգրմանը: