1 րոպեի ընթերցում
ՄՈՆՏԵՎԻԴԵՈ, 11 ՄԱՅԻՍԻ, ԱՐՄԵՆՊՐԵՍ: Ն.Ս.Օ.Տ.Տ. Գարեգին Բ Ամենայն հայոց կաթողիկոսը հովվապետական անդրանիկ այց կատարելով Հարավային Ամերիկայի երկրներ, Բրազիլիայից ժամանել Է Ուրուգվայ: Ինչպես տեղեկացնում Է Ուրուգվայի հայկական ռադիոժամի լրագրող Դիեգո Կարամանուկյանը, Վեհափառ հայրապետը շատ դրական Է գնահատել Բրազիլիա կատարած ուղեւորությունը: Ուրուգվայի մայրաքաղաք Մոնտեվիդեոյում Գարեգին Ա կաթողիկոսը ծաղկեպսակ Է դրել Ուրուգվայի ազգային հերոս Խոսե Արտիգասի հուշարձանին: Տեղի հայկական եկեղեցում տեղի Է ունեցել հանդիպում հավատացյալների հետ: Օրվա գլխավոր իրադարձություն կարելի Է համարել Վեհափառ հայրապետի այցելությունը Արմենիա հրապարակ, որը հայ-ուրուգվայական բարեկամության խորհրդանիշն Է: Այստեղ Վեհափառը իր տպավորություններն Է հայտնել հուշարձանի մասին եւ միաժամանակ գնահատել Ուրուգվայի վերաբերմունքը Հայկական հարցում, նշելով, որ Ուրուգվայը աշխարհի առաջին պետությունն Է, որ 1967 թվականին ճանաչել եւ դատապարտել Է Հայոց ցեղասպանությունը: Գարեգին Բ կաթողիկոսն այսօր այցելելու Է Մոնտեվիդեոյի քաղաքապետարան, ապա նախագահական նստավայրում հանդիպելու Է Ուրուգվայի նախագահի հետ: Նախատեսված են Վեհափառ հայրապետի այցելությունները տեղի հայկական հիմնարկներ: