Գարեգին Բ Ամենայն Հայոց կաթողիկոսի հովվապետական այցը Հարավային Ամերիկա

ԲՈՒԵՆՈՍ ԱՅՐԵՍ, 24 ՄԱՅԻՍԻ, ԱՐՄԵՆՊՐԵՍ: Ուրուգվայից հետո այցելելով Արգենտինա եւ հանդիպումներ ունենալով երկրի նախագահի եւ այլ բարձրաստիճան պաշտոնյաների հետ, Գարեգին Բ Ամենայն Հայոց կաթողիկոսը Բուենոս Այրեսի Արմենիա հրապարակում անցած շաբաթ օրը ներկա Է եղել Հայաստանից բերված եւ Կարագյոզու ընտանիքի նվիրաբերած խաչքարի տեղադրման արարողությանը, իսկ կիրակի օրը պատարագ Է մատուցել երկրի մայրաքաղաքի ս. Գրիգոր Լուսավորիչ մայր տաճարում: Ըստ Մոնտեվիդեոյի հայկական ռադիոժամի լրագրող Դիեգո Կարամանուկյանի, Արգենտինայի նախագահ Նեստոր Կիչների հետ հանդիպման ժամանակ Վեհափառը կարեւորել Է Արգենտինայի հնարավոր մասնակցությունը պետական մակարդակով Հայոց ցեղասպանության 90-ամյակին նվիրված արարողություններին: Անդրադարձ եղել նաեւ Երեւանում Արգենտինայի դեսպանության բացման խնդիրին: Գարեգին Երկրորդ կաթողիկոսը դասախոսություն Է կարդացել Արգենտինայի արտգործնախարարությունում: Նա այցելել Է Բուենոս Այրեսի հայկական բոլոր եկեղեցիներ ու կրթական եւ ազգային կառույցներ: Մասնավորապես արգենտինահայ երիտասարդության հետ Նորին Սրբության հանդիպումը տեւել Է 4 ժամ, որի ժամանակ նա պատասխանել Է ներկաների բազմաթիվ հարցերին: