1 րոպեի ընթերցում
ԵՐԵՎԱՆ, 19 ԱՊՐԻԼԻ, ԱՐՄԵՆՊՐԵՍ: Մայր Աթոռ Սբ Էջմիածնում Ն.Ս.Օ.Տ.Տ. Գարեգին Բ Ամենայն Հայոց կաթողիկոսն այսօր ընդունեց «Մետրոպոլիտենե օպերայի մենակատար, կանադահայ աշխարհահռչակ երգչուհի Իզաբել Բայրաքդարյանին: Ինչպես հայտնեցին Մայր Աթոռի մամլո դիվանից, Վեհափառ Հայրապետն իր օրհնությունը փոխանցեց մեծատաղանդ երգչուհուն` իր գնահատանքը հաղորդելով նրան՝ հայ եկեղեցական երաժշտությունն աշխարհի տարբեր բեմերից հնչեցենելու համար: «Հաճելի է տեսնել ճանաչում և հռչակ ունեցող հայուհու, որն իր քայլերն է ուղղել դեպի հայրենիքը` իր սերն ու նվիրումը բերելով Հայաստան աշխարհին ու Մայր Եկեղեցուն` Սրբություն Սրբոց Սբ Էջմիածնին: Դուք Ձեր գործունեությամբ և անդուլ աշխատանքի շնորհիվ գալիս եք հռչակը հավելելու մեր ազգի, պանծացնելու ինչպես Ձեր անունը, այնպես էլ մեր ազգիե,-նշեց Նորին Սրբությունը: «Վեհափա՛ռ Տեր, հոգուս և սրտիս սնունդն է հայ հոգևոր երաժշտությունը, քանզի անկարելի է ապրել առանց հավատքի, և այն բոլոր շնորհները, որ Աստված ինձ պարգևել է, պիտի ի սպաս դնեմ հանուն մեր հայրենիքի և մեր սուրբ եկեղեցուե,- շնորհակալություն հայտնելով ջերմ ընդունելության համար՝ հավաստեց Իզաբել Բայրաքդարյանը։